شحن بطارية الموبايل على الكمبيوتر

من طرف **afroto** الأحد يناير 13, 2013 4:38 pm

فى ناس عندها موبايل مثلا لية وصلة يو اس بى وبايظة ومش لاقيها فى السوق تانى بطلت تنزل يعنى ومشكلتة انة عاوز يشحن الموبايل على الكمبيوتر من غير مايحشنة على كهربا علشان الكهربا سعات بتبوظ البطارية انهردة تعالوا نشوف الطريقة
انهردة هنعمل شحن من على الكمبيوتر وكمان ممكن يو اس بى او شاحن ابرة

روح اى محل موبايل واشترى منة شاحن عادى جدا ويكون من ارخص الانواع
وبعدين روح عند محل الكمبيوتر واشترى منة ماوس برضو من ارخص الانواع
ولو عندك واحدة بايظة يبقى احسن بس المهم السلك سليم

اولا اقطع سلك شاحن الموبايل وقشر الاسلاك او اجرحها يعنى هتلاقى سلكين
واحد اسود وواحد احمر

ثانيا اقطع سلك الماوس وقشر الاسلاك برضو هتلاقى اربع اسلاك
واحد ازرق وواحد احمر وواحد اخضر وواحد اصفر ذهبى

تعالى للاهم بقى
وصل السلك الاحمر اللى فى الشاحن مع السلك الاحمر اللى فى الوصلة Usb
وبعد كدا وصل السلك الاسود اللى فى الشاحن مع السلك الازرق اللى فى الوصلة Usb
بعد كدا اقطع السلكين الزيادة اللى فى وصلة اليو اس بى علشان ملهمش لزمة وممكن يعملوا قفلة فى النور
ولف عليهم بلاستر او سلوتب اسود بتاع كهربا لكن بحذر علشان ميلمسوش فى بعض

بعد كدا ركب الوصلة فى الكيسة وركب الشاحن فى الموبايل واشحن موبايلك يامعلم